كورسات اونلاين مجانية من موقع يوديمى

Share:
كورسات اونلاين مجانية من موقع يوديمى
كورسات اونلاين مجانية من موقع يوديمى

نقول بسم الله ونبدأ فقرة مواقع التعليم الذاتى.
زى ما اتفقنا فقرتنا  المستمرة اللى هنشرح فيها موقع من مواقع التعليم الاونلاين بكل تفاصيله ولو فيه إستفسار احنا معاك فى الكومنتات. والنهاردة معانا شرح مهم جدا وهيكون عن:

كورسات اونلاين مجانية من موقع يوديمى.

كان لازم نعمل شرح مفصل لموقع يوديمى  لأنه أسهل وأكتر موقع مناسب للناس اللي لسه بتبدأ حياتها فى التعليم الاونلاين, الموقع بيوفرلك الاف الكورسات الأجنبية والعربية فى أى مجال ممكن تتخيلة.



-- طيب إيه رأيكم تعرفوا مميزات الموقع.

مميزات موقع يوديمى للكورسات الاونلاين.

من أهم ما يميز موقع يوديمى هو إن الكورسات بتاعته بسيطة جدا ومركزه ومدتها قصيرة جدا يعنى يمعلم لو محتاج كورس علي سبيل المثال فى التسويق الإلكترونى, هتدخل علي يوديمى وكلها ساعتين وهتكون مخلص كورس محترم فى التسويق الإلكترونى وطالع بشوية معلومات مفيده جدا من غير بقي ما تاجل الكورس للأجازة او تضيع فيه وقت كتير علي مواقع تانية.

-- نيجى للسؤال اللى شاغل بالك. هل الموقع بيقدم شهادة ممكن احطها فى cv ؟

بالفعل موقع يوديمى بيقدملك شهادة مجانية مع نهاية كل كورس ولكن الشهادة دى بتكون للتحفيز فقط من جانب الموقع ,سامعك يا اللى بتسأل . هل الكورسات علي يوديمى مجانية ولا مدفوعة.
الموقع بيحتوى علي كورسات مجانية وكورسات مدفوعة . طيب اجيب الكورسات المجانية إزاى ؟ إقرأ المقالة لأخرها وانت هتعرف.
مش كدا وبس . كمان الكورسات المدفوعه تقدر تحصل علي كتير منها بشكل مجانى بس هتعمل خطوة زيادة وهى إنك هتروح علي عمنا جوجل وتكتبله (
udemy free coupon )
هيظهرلك مجموعة من المواقع اللي بتقدم كوبونات مجانية للكورسات المدفوعه علي يوديمى , واحنا تعمدنا منكتبش أسماء المواقع دى علشان لما تبحث عنها إنت هتلاقي حاجات أحسن من اللي هنقدمهالك وكمان طالما إنت بتقرأ البوست ووصلت لحد هنا فإنت شخص عاوز تتعلم فعلا وتبحث عن المعلومة.
نرجع لسؤالنا اجيب الكورسات المجانية علي الموقع إزاى؟؟؟
عملنالك تلت صور مرتبة بأرقام هيعرفوك إزاى تجيب الكورسات المجانية علي يوديمى, كل اللى عليك إنك تبدأ دلوقتى.
الصورة الاولي بعد ما تسجل في الموقع بتضغط علي كلمة categories وبعدها بتختار مجال الكورس اللي انت عاوزه زى ما في الصورة.

كورسات اونلاين مجانية من موقع يوديمى
كورسات اونلاين مجانية من موقع يوديمى

بعد كدا هيظهرلك كورسات المجال اللي بحثت عنه , بتنزل اسكرول هتلاقي كلمة filter زى ما في الصوره كدا بتضغط عليها.
كورسات اونلاين مجانية من موقع يوديمى
كورسات اونلاين مجانية من موقع يوديمى
بعد كدا هيظهرلك الشاشة دى هتروح علي خانة price وتختار free وتضغط علي apply بس كدا يا معلم الموقع هيجبلك كل الكورسات المجانية ي المجال اللي انت حددته.
كورسات اونلاين مجانية من موقع يوديمى
كورسات اونلاين مجانية من موقع يوديمى



التسجيل في الموقع سهل جدا هتدخل علي الموقع من هنا:
www.udemy.com
وهتضغط علي Sign Up وتدخل اسمك وبريدك الإلكترونى وكلمة سر ومبروووك عليك يا معلم.
محلوظة: الموقع ليه تطبيق ممكن تحملة علي الموبايل وتاخد كل الكورسات علية من غير ما تحتاج كمبيوتر أو لاب توب.