أفضل موقع عربي للكورسات الاونلاين المجانية

Share:
أفضل موقع عربي للكورسات الاونلاين المجانية
أفضل موقع عربي للكورسات الاونلاين المجانية
المقالة التالتة من فقرة مواقع التعليم الذاتى. تقدر تشوف أول مقالتين فى السلسلة من هنا:




شرحنا موقع يوديمى بكل تفاصيلة, وكذالك موقع كورسيرا بكل تفاصيلة ,  النهاردة معانا تانى موقع وهو موقع إدراك . موقع إدراك من الحاجات العظيمة اللي بنفتخر بيها فى المحتوى العربي فى مجال التعليم الذاتى ,ويعتبر بداية الطريق لأى شخص عاوز يبقي self educated .

أفضل موقع عربي للكورسات الاونلاين المجانية.

طبعا أهم ميزة فى الموقع هي إن جميع الكورسات باللغة العربية وعلشان كدا هو مناسب لأى حد حتى لو كان ضعيف فى اللغة الإنجليزية , الموقع بيقدم مجموعة كبيرة جدا فى الكورسات فى المجالات المختلفة . ولكن من مميزات الموقع الرائعة هو إن معظم كورساته بتهتم بتطوير مهاراتك الشخصية والوظيفية أيا كان مجال شغلك أو حتى مجال دراستك فعلي سبيل المثال الموقع بيقدم كورس بعنوان " كتابة السيرة الذاتية الناجحة" وأخر بعنوان " كيف تؤهل نفسك لسوق العمل" وأخر" كيف تكون شخص قيادى ناجح" وغيرها من المجالات وبالتالي مش شرط تكون متخصص فى حاجة معينة .

والجميل إن كورسات الموقع مقسمة بطريقة اخرى وهى إن فيه كورسات دائمة يعنى موجودة وتقدر تسجل فيها فى أى وقت , وفية كورسات منتهية بتبدأ وتنتهي فى فترة معينة والنوع دا من الكورسات بتعرف ميعادة عن طريق صفحة إدراك علي الفيسبوك.

ويبقي السؤال الأهم هل الموقع بيقدم شهادات؟؟


نعم, الموقع بيقدم شهادة فى نهاية كل كورس بناء علي بعض الإختبارات اللى بتاخدها أثناء الكورس وكمان تقدر تحط الشهادة دى فى ال CV بتاعك أو علي موقع Linked in لإن الكورسات دى بيقدمهالك منظمات وهيئات معتمدة وقوية جدا علي سبيل المثال الجامعة الامريكية والمجلس الثقافى البريطانى.

دلوقتى إحنا عملنا اللي علينا واللي باقي متوقف عليك هل عندك شغف إنك تتعلم حاجة جديدة ولا لأ ولو كانت الإجابة نعم يبقي تدخل علي الموقع من هنا وتنطلق.
https://www.edraak.org/