إزاى اطلع بأكبر إستفادة من الأجازه 2018

Share:

إنهاردة هنتكلم عن موضوع مهم جدا, وهو إزاى نستغل الأجازه بطريقة صحيحه, بحيث إننا نطلع منها بأكبر قدر من الإستفادة. كل اللي عليك هتطلع ورقة وقلم وتكتب شوية النصائح اللي هقولك عليها وتبدأ تنفذها. نبدأ علي بركة الله.
إزاى اطلع بأكبر استفادة من الأجازه 2018 .

إزاى اطلع بأكبر استفادة من الأجازه 2018 .

>>> إيه هي الحاجات اللي المفروض أعملها في الأجازة.

قبل ما نبدأ نتكلم عن كيفية الإستغلال الأمثل للأجازه, لازم نوضح في البداية حاجه مهمة . الأجازه لازم نقسمها إزاى؟؟؟؟
وبما إن هى اسمها أجازه فلازم جزء كبير منها يكون للراحة والرفاهية علشان نقدر نطلع من جو الدراسة والكلية وغيره. فلو اعتبرنا ان الأجازة بتاعتنا عباره عن دايرة, فتلت الدايرة دى لازم يكون للراحة.

وعلشان نستغل الأجازه كويس لازم يكون جزء منها مخصص لتعلم مهارات جديدة وتطوير نفسنا,
سواء كانت المهارات دى متعلقة بمجال دراستك أو لأ. وبكدا نكون حددنا التلت الثانى من الدايرة.

أما التلت الثالث من الدايرة , فهيكون عبارة عن شغل أو تجهيز لشغل. بمعنى يكون ليك شغل فعلي
بتعمله في الأجازه أو شغل علي الإنترنت تحت مصطلع freelancing .

وبكدا ما عرفنا إزاى نقسم الأجازه وإيه المفروض نعمله , نبدأ بقي في إزاى أستغل الأجازه.

>>>  إزاى أطلع بأكبر قدر من الإستفادة من الأجازة.

بعد ما كل واحد فينا رسم الدايرة بتاعته وقسمها لتلت أجزاء.  وبما إن جزء الراحة خاص بكل واحد فمش هنتكلم إزاى تقضيه. وكمان جزء الشغل خاص , فيكون كل كلامنا علي الجزء التالت وهو, تعلم مهارات
جديدة وتطوير الذات.

كل واحد فينا أول ما تبدأ الأجازه بيبقي عاوز علطول يتعلم مهارات وحاجات جديدة سواء كانت لغات, أو مهارات خاصة بمجال الدراسة, أو مهارات خارج مجال الدراسة. وأول حاجة بيفكر فيها , إنه يتعلم وهو في البيت, أو ما يسمى بالتعليم الأونلاين.

علشان كدا ركز معايا وابدأ سجل في ورقتك النصائح اللي جاية دى, علشان تقدر تستغل التعليم الأونلاين بطريقة صحيحة, ويكون فعلا نعمة وليس نقمة. نبدأ علي بركة الله.

>>>  إزاى أستفيد من التعليم الأونلاين.


ركز معايا في الكلمتين اللي جايين دول , لإنهم خلاصة سنتين من التعليم الأونلاين وخلاصة بحث وتجارب كتير جدا. كذا نصيحة تكتبها فى ورقتك وتخليها قدامك دايما.

1: لازم تكون منظم وقت بطريقة كويسة جدا . بحيث تبقي عارف ومحدد الكورس اللي هتبدأه اونلاين ده, هيبدأ امتى؟؟ وهتنهيه امتى؟؟ ولو معملتش كدا هتلاقى نفسك بتضيع وقت كتير جدا من غير أى إستفادة. ولو عاوز كورس تنظيم الوقت هتلاقي عندنا   اضغط هنا

2: لازم تكون مجهز كل الداتا اللى هتزاكر منها قبل ما تبدأ , سواء كانت الداتا دى بقي فيديوهات , كتب ,
لينكات, أو غيرة. بحيث إنك لما تبدأ فى الكورس تبقي مركز فى الداتا دى ومتضفش عليها أى حاجه في قابلتك في الطريق كدا. هتلاقي في اخر المقالة داتا ومواقع للكورسات.

3: متبدأش في كورسين مع بعض, لازم تخلص الأول قبل ما تبدأ في التانى. بحيث يكون تركيزك في
حاجة واحدة بس , وتطلع منها بأقصي إستفادة.

4: زاكر بالكيف وليس بالكم. بمعنى الكورس مش لازم يكون 50 ساعة علشان يكون يكون. كورس 3 ساعات مع تركيز وتزاكره مره واتنين . أفضل مية مره من كورس 50 ساعة.

**************************
ولو قدرت تنفذ شوية النصائح اللي فوق دى هتكون وقفت علي أول الطريق الصحيح للتعليم الأونلاين.
وتقدر تطلع بأكبر إستفادة من التعليم الأونلاين وأضمنك نجاح كويس فى المجال ده .


***************************

مواقع التعليم الاونلاين:

1: Coursera
2: Udemy
3: Edx
4: Udacity
5: Future learn
6: Alison
7: Edrak
8: skillshare