15 كورس مجانى فى مجالات مختلفة من 2018 Udemy

Share:

img

15 كورس مجانى في مجالات مختلفة من Udemy 2018



أهلا بيكم في عالم الكورسات المجانية والتعليم الذاتى.

انهاردة بنقدملكم مجموعة مختلفة ومميزه جدا من الكورسات الأونلاين المجانية والمقدمة من موقع يوديمى المشهور والمميز.
كورساتنا إنهاردة هتشمل مواضيع مختلفه ومميزه وبيحتاجها أى شخص حاليا, فالمواضيع هتخلف من برمجة إلي ديزاين إلي مونتاج إلي إنجليزى وأيضا تطوير الذات وغيرها من الكورسات والمواضيع المفيدة
اللي هتساعدنا في إكتساب مهارات جديدة
.

إزاى اسجل في موقع يوديمى .

قبل ما نبدأ في عرض الكورسات لازم في البدايه نعرف إزاى نسجل في موقع يوديمى.
كل اللي عليك إنك هتضغط  هنا....  هتلاقي كل المعلومات اللى هتحتاجها سواء معلومات عن الموقع
إزاى تسجل وتاخد كورسات مجانية وشهادات معتمدة.
بعد ما تخلص هتلاقي ال 15 كورس جاهزين تحت هنا
.

الشرح بالفيديو

نبدأ بقي في كورساتنا المجانية.

********************************

1:( كورسات برمجة).

بما إن البرمجة هي المستقبل ولازم يكون عندك خبره ومعرفة بيها أيا كان مجال دراستك وأيا كانت
اهتماماتك. جبنالكم إنهاردة مجموعه مميزه جدا من كورسات البرمجة, واللى هتساعدك بشكل كبير
في إكتساب مهارات جديدة في عالم البرمجه.

1: كورس تعلم لغة البايثون للمبتدئين:   اضغط هنا


في الكورس دا هتتعلم أساسيات لغة البايثون وإزاى تستخدمها وإيه تطبيقاتها بحيث تكون علي دراية
كبيره باللغه وتكون قادر علي مواصلة الطريق في احتراف لغة البايثون.


2: كورس برمجة مواقع الإنترنت :    اضغط هنا

هنا بقي هنتعلم يعنى ايه تطوير مواقع الويب وازاى نبرمج الموقع وهنستخدم في الكورس دا
لغة php  والمعروفة بسهولتها وإنك ممكن تتعلمها بكل بساطه.

3: كورس تصميم مواقع الإنترنت:     اضغط هنا

في الكورس دا  بقي هنعرف الفرق بين تصميم المواقع وبرمجة المواقع, وهنتعلم كل ما يخص
تصميم المواقع وايه هى اللغات اللي هنتعلمها علشان نبقي محترفين في تصميم المواقع.

4:  كورس تصميم تطبيقات الموبايلاضغط هنا

هنتعلم يعنى ايه برمجة تطبيقات الاندرويد وازاى التطبيق اللى علي موبايلك بيتعمل من البداية
الي الاحتراف واللي بيميز الكورس دا ان خده اكتر من 18 الف واحد علي يوديمى.


**********************************

2: ( كورسات التصميم والجرافيك )

التصميم والجرافيك من أشهر المجالات الموجوده علي الساحه حاليا وبتعبتر مصدر دخل لكتير جدا
من الناس سواء في شغل شركات أو شغل حر علي الانترنت. ويعتبر من أسهل المهارات اللي ممكن
تتقنها بسهوله.

5:  كورس فوتوشوب للمبتدئيناضغط هنا

الفوتوشوب زى ما بيسموه الأب لكل برامج الديزاين والجرافيك. وهو بالفعل من أهم البرامج في المجال ده, وإتقانه يعتبر بمثابة كنز حقيقي هيعود عليك بفوائد كتير جدا, في الكورس دا هنتعلم أساسيات الفوتوشوب ومن بعده تقدر تبدأ رحلتك مع الفوتوشوب.

6 : كورس الالستريتور:         اضغط هنا

البرنامج دا بقي اكتسب شهرة كبيره جدا بسبب تميزه عن الفوتوشوب في جودة المشاريع وبيستخدم بشكل اساسي في تصميم الشعارات (اللوجو) وهو احد البرامج المستخدمة بكثرة في مواقع الفريلانسر.

7: كورس الافتر ايفيكت :     اضغط هنا

في الكورس دا هنتعلم نعمل مشاريع بالافتر ايفيكت وازاى الحاجات المبهره اللي بتتحرك في الفيديو
بتتعمل وازى نستغلها في اننا نشتغل بيها في المستقبل.

8 : تصميم ديزاينات الفيسبوك والانستجرام:   اضغط هنا

الكورس دا مهم جدا للناس اللى شعاله في مجال السوشيال ميديا  ماركتنج, الكورس هيزودلهم خبره اكتر
في مجال تصميم ديزينات الفيسبوك وانستجرام بشكل محترف.

9:  التصميم بواسطة الأوتوكاد :     اضغط هنا

من أشهر البرامج المختصة بالتصميم الهندسي واللى بتستخدم بشكل كبير في تصميم المنشأت والمبانى السكنيه, في الكورس دا هنتعلم ازاى نستخدم الاوتوكاد ونتعلم كل اسراره.

*****************************

3: ( كورسات انجليزى)


10: ; كورس الايلتس :   اضغط هنا

في الكورس هنعرف استراتيجية فعاله وناجحه للتجهيز لامتحان الايلتس. وهنعرف أسرار مهمة
علشان نقدر نجيب مستوى متقدم.

11 : كورس إزاى تدرس إنجليزى اونلاين : اضغط هنا

مهم جدا قبل ما نبدأ نتعلم إنجليزى, يكون عندنا خطه واستراتيجة هنستخدمها علشان نطلع بأكبر إستفادة.في الكورس دا هنتعلم ازاى نذاكر انجليزى اونلاين صح.

12 : كورس انجليزى كاملاضغط هنا

في الكورس دا هنتعلم حاجات مختلفه جدا في اللغه منها القراءة والإستماع  والنطق والجرامر. وغيرها
من المهارات المهمة في اللغة الانجليزىة.

******************************

4: (كورسات تطوير الذات)


13: كورسات مهارات الإنترفيو :   اضغط هنا

في الكورس دا هنتعلم مهرات اساسية في الانترفيو واللى هتساعدك بشكل كبير في تخطى الانترفيو بشكل ناجح ومؤثر من خلال بعض الأسرار اللي هنتعلمها في الكورس ده.

14: كورس التواصل الفعال:   اضغط هنا

هنا هنتعلم مفاهيم أساسيه في علم التواصل الفعال. واللى من خلال هتقدر تتغلب ع الخوف من التحدث أمام عدد كبير من الناس.

15: كورس تنظيم الوقت : اضغط هنا